He Ratonga mo ngā Tamariki me ngā Rangatahi
- He nui ngā kohinga pōhewa me ngā kohinga pono e hāngai ana ki ngā tamariki
- He kohinga pōhewa, pono hoki, me ngā māheni e hāngai ana ki ngā rangatahi
- Ngā pukapuka whakaahua, pukapuka papa māro hoki mō ngā pepi
- Ia wiki, ia wiki he wā kōrero pakiwaitara, mahi ā-ringa hoki mō ngā tamariki kōhungahunga
- Kaimahi e mōhio ana i ngā āhuatanga o te pānui pukapuka ki te tamaiti.
- He kohinga nui mō ngā tamariki kātahi anō ka tīmata ki te pānui pukapuka.
- He kohinga mō ngā mātua me ngā tamariki – ētehi pukapuka me ētahi ripene whakaahua e pā ana ki te mahi mātua kei roto tonu i te wāhi mā ngā tamariki i a koutou i kōnei me o tamariki.
- He pukapuka mō ngā tamariki, nui rawa ngā pū.
- Ngā pakiwaitara ki runga i ngā ripene
- He panga, he kēmu me ētahi pukapuka miharo rawa
- Ētahi kōpae rorohiko kia whakamahi ki roto i te whare pukapuka
- Hei awhina i te mahi kainga me ngā patapātai
- He kohinga rangahau hei awhina i te mahi kainga
Māori Motuhake
He mihi nui ki a koutou katoa e ngā iwi o te motu nei, naumai haere mai ki tēnei wāhi, he ara ki ngā rauemi me ngā ratonga Māori. Ngā mihi hoki ki ngā maunga me ngā awa huri noa i te motu, tēnā tātou katoa.
Ka huri ngā whakaarō i tēnei wā ki a rātou kua takahi i te ara whānui ā Tāne. Kore rawa e mimiti te puna roimata ki a rātou kua wehe atu ki tua o te pae. Nō reira, haere, haere, haere atu rā. Rātou ki a rātou, tātou ki a tātou.
Ānei rā he ara ki te pātaka kōrero-a-iwi; arā ngā whakaaro, mōteatea, whaikōrero, waiata, ngeri, pātere, karanga, whakatauki, kaupapa me ērā atu o ngā tāonga i waihotia ā koro ā kui mā.
Ngā mihi ki a koutou katoa. Kei Te Mātāpuna Pukapuka o Rohe o Puke Ariki he ratonga e aro ana ki te iwi Māori, arā ko tōna ingoa ko Mana Motuhake. Kei te wāhi nei he ratonga hei kohikohi i ngā rauemi Māori kia whakamana ai Te Tiriti o Waitangi, me ngā tangata whenua o Aotearoa huri noa.
Kua wehewehe ngā kohinga, ētehi mō ngā paheke, ētehi mō ngā tamariki. He korero pōhewa, kōrero pono, ngā ripene whakaahua me ngā pukapuka-ā-rongo.
- He kōpae rorohiko kāore he utu
- He pātengi raraunga o ngā kōrero o Te Kōti Whenua Māori
- Ngā kōrero o Te Kōti Whenua Māori o Taranaki, o Whanganui hoki ki runga whitiāhua iti.
- Ngā tuhinga o Turton's Deeds me McKay's Compendium
- He hautaka o te Roopū o Te Moana Nui a Kiwa
- Ngā pūrongo o te Pūtahi o Aotearoa
- He kupu rarangi ingoa Māori nā Fletcher
- Ngā kohinga kōrero mō te whenua kua Muru Raupatu
- Ngā āpitihanga o ngā pukapuka o te Whare Paremata
- Ngā whānautanga, ngā mate me ngā mārena Māori
- Ētahi Pukapuka Māori – Te Ao Hou, Te Tangata, Mana me Tū Mai
- Ngā Rīpoata o te Taraipunara o Waitangi
- Ngā Niupepa Māori mai i te tau 1842 ki te tau 1933
- Ngā tuhinga roa
- Te hītori o ngā iwi me ētēhi kōrero tangata hoki
- Ngā Mōteatea
He ratonga Māori Motuhake
- Ngā kaimahi Māori he matatau
- Ngā akoranga i roto i te reo Māori mō ngā Kōhanga Reo, Kura Kaupapa Māori me ngā Wharekura hoki.
- He tirohanga whare mō te iwi Māori
- He akoranga i te ipurangi mō te iwi Māori
- He awhina ki te rapu kōrero mō te rangahau whakapapa, whānau, hapū, iwi me te whenua hoki. Ētēhi kōrero, ētehi rauemi mai i ētehi atu roopu.
Mēnā he pātai anō tāu mō ēnei rauemi, ratonga rānei, tukuna he īmera ki te Whare Pukapuka.
Heoi anō, mō tātou ngā uri hei aha, hei kai mō te ngākau, mō te hinengaro, mō te wairua hoki o ngā uri whakatipu. Nō reira, kei te mihi atu, tēnā koutou, tēnā koutou, tēnā tātou katoa.