He tino kōrero te pūrakau mō te maunga o Taranaki, he kōrero wairua, he kōrero taukumekume, he kōrero rangatira.  Pērā i te kōrero mō te rohe o Taranaki whānui, mai rā anō ko ōna piki me ōna heke.  Kei kōnei, kei te Tai Hau-ā-uru o Te Ika a Maui, mā te hononga o Taranaki maunga ki Te Tai o Rēhua ka puta te āhua o te rohe nei, me ōna uri hoki.

Kei te Whare Taonga o Puke Ariki ēnei kōrero katoa – ka noho ngātahi he whare pupuri taonga, he whare pukapuka, he whare manuhiri anō hoki. Kei raro i te tuanui kotahi ko ngā taonga o te whare pupuri taonga e whakanikoniko ana, hei whare mātauranga, hei whare mahi-a-Rēhia hoki.

Kei te pito o Ngamotu te whare e tū nei, e rua ōna wāhanga. He wāhanga anō hoki mō ngā kohinga katoa o te whare pukapuka. Tāpirihia te whare manuhiri, te wāhi ipurangi hoki (i-SITE) a, he whare mātauranga tēnei whare. Ka honoa ngā wāhanga e rua, e te piriti o te rangi.

Mai i ngā whakaaturanga, ngā kohinga kōrero, ngā kitenga me ngā momo hangarau ka horahia nei i ngā korero mō Taranaki.  Ka honoa a Taranaki ki te ao whānaui, te ao whānui ki a Taranaki mā te hangarau mōhiohio.

Kei Puke Ariki te ihi me te wehi o Taranaki – te moana, te whenua me te maunga.
He wāhi hui, he wāhi kōrerorero mai rā anō.  A, ka pērā tonu te āhua i tēnei wā, i ngā wā kei te tū mai.